ساحة الضحك ههههه 1

- هادا واحد ضراتو كرشو ومشى عند الطبيب.
سولو الطبيب شنو كليتي؟
قال ليه: بيمو ديال الدجاج.
فاش قلبو لقاه واكل كنور

**********

- هادو رباعة ديال المكلخين ف الجامعة كيكتبوا داكشي اللي كيكتبه الأستاد ف السبورة. منين كيمسح الأستاد السبورة، كيقطعوا هوما الورقة

**********

- واحد سول صاحبو: باش سالات المضاربة ديالك البارح مع مراتك؟
جاوبو: جات عندي راكعة على ركابيها
وقالت ليا: خرج من تحت الناموسية أ الخواف

**********

- واحد مبوق قاعد قدام التلفزة وكيضحك

قال ليه صاحبو: مالك؟
قال ليه المبوق: دابا هادي تلفزة، و ملي كنسد عيني، كتولي راديو

**********
- واحد الطلاب طلع للطوبيس و ما دور معاه حتى واحد. ناض واحد السيد عطاه شي بركة، قال ليه الطلاب: الله يجعلك من الذين آمنوا
مللي شاف لقى ربعة د ريال، و زاد له ف الدعوة: الله يجعلك من الذين آمنوا ثم كفروا

**********
- قررت شرطة المرور تكافئ كل واحد داير حزام السلامة
لقاو واحد مبوق سايق طوموبيلتو وداير الحزام، وعطاوه 2000 درهم
وسولوه: أشنو غادي تدير بهاد الفلوس؟؟
قال ليهم: نزيد عليهم ونمشي ندوز بيهم لبيرمي

**********
- شي وحدين جالسين كايتكيفو.
داز حداهم واحد الشيباني، قال ليهم: حرام عليكم
قالو ليه: وعليكم الحرام

**********

واهد الراجل مخاصم مع مرتو.عيط ليها من الخدمة وقال ليها: أشنو دايرة للعشا؟
المرا كاعية، قالت ليه: السم
قال ليها: مزيان، إيوا غير تعشاي ونعسي راني غادي نتعطل اليوم ف الخدمة